Летописец публикуется по рукописи, хранящейся в Великоустюгском филиале Государственного архива Вологодской области. Характеристика летописца дана в первом разделе настоящего сборника.
Божий милости и предстательства заступления пречистыя Богородицы о граде сем и о живущих в нем изобрася и написа сие летописание из Рускаго летописца ныне впредь будущим родом вечное возпоминание.
Слава отцу начавшему, а сыну скончавшему и святому духу совершившему, матери иже божий спомогающей и недоумение наше разрешающей. Мы же дакучаемся повествовати о Устюзе, надежду и упование положившы во Христе бозе. Всяка бо вещь, аще писанием утвержденна не будет, то взабытие и в неведении приидет, яко же о самом начале и первом строении мира и о самом родоначалнице нашем Адаме, аще не бы Моисей, богом научен, в книгах нам оставил, все бы долгота времене привела. Тако жже же и старобытность градоначальная от писания познавается. А в том познании бог прославляется, зиждитель всяческих. Повелением своим строя, и царство от царства переходит, и град града славнейшы бывает, и славящих его прославляет. А где мир и любовь, тамо бывает и бог. А где братолюбезное соединение, и тамо всякое добро велие.
На Устюзе на погорке доныне зримо место всеми, нарицаемо Гледен, от действа тако именуем. В древних летех был град Гледен, а граждане устюжане нарицаеми, обладаеми великими князми Светославом и Владимиром и протчими. Мы же образуя Гледен столепному Сиону, яко же святый Сион. Сиречь всем зраящим удивително нань во трею долиена Юг, на Сухону, на Двину, здвигнубося Юг река с Сухоною и пресекает быстротечность Сухоны реки вопреки текущы, и соединяющеся Юг река с Сухоною рекою вкупе приемлют ино проименование Двина, потому что здвигнушася две реки, разшыряющися пространством велиим, и приявши в себе великую реку Вычегду, пространнейши починается тещи в великое море - акианъ в Соловецкую пучину. Мы же к предиреченным обратимся и о Великом Устюге писати потщимся, прося милости у пресвятыя Троицы, понеже бог тако благоволил и град сей распространил и лавру Гледенъкую устроил во свою трипостастнаго божества державу отца, сына и святаго духа. Тако бо Устюг Великий троичным именованием удивлен. Ныне видимый Гледенъ всяк бо приходящий глядает и молится пресвятой Троице и дивится быстро текущей той реце, како малою протокою пресекает быстро текущия струи Сухонския да всяк приходя зрит тыя. Яко же пророк о бозе велегласно вопия, приличная радования нам вещая и градодержавство во юдоли Сухонстей проявляя, рек: "Бог от юга приидет и святый от горы приосененныя чащы, от трипостастнаго божества нерукотворенный нам образ дарова, содержай град во Черной Луце, наипаче во свое божественней во вседержавней деснице". От бога помогаеми, починаем писати сице.
В лето 6700-м (1192). "По великом князе Констянтине сыне Всеволожь Георгиевиче Долгорукого, пиши, Владимерскую державу прият брат его сей великий князь Георгии, ю же прежде вручи ему и град Устюг. И о том таже. Казансти град Устюг лестию взяша и поплениша и разориша. И великий князь Георгии посла на них брата своего Светослава. Он же божиим пособием зело их повоева, многия их грады и множество поби, и безчисленно много плениша, в домы своя возратишася.
В лето 6726-м (1218) Егда бо обладаше ордынски царь Батый Росискою землею и град Казан. Он же поставль тогда по всем градом розслав своя властители и есаки до дворца, у сторожей без выезду живущи по градом, насилие творяхухристияном, отнихжеисей Багуй некто именем.
В лето 6770-е (1262). На Устюге Великом бысть язычник именем Багуй богатырь и взял у некоего християнина, зри дщерь насилием за ясак, и принуди ю на постелю себе. В то же время от великаго князя Александра Ярославича прииде грамота по всем градом, чтобы татар ясачников побит. И девка, то слыша, сказа Багую. Багуй же пришед градодержателем и добил има челом по их воли, чтобы креститися и з девкою и законно венчатися. И наречено имя ему во крещении Иоанн. Той же новопросвещенный Иоанн в некоторый день, вседе на кон, выехав на лов с соколом. Бе же тогда красный и зной великий. Он же слез с коня, привяза сокола к луке, и ляже, и уснув глубоким сном. И явися ему во сне Иоанн Предтеча, и рече ему:
"Иоанне новопросвещенный, буди богу любезный! И на сем месте постави церковь во имя Иоанна Предтечи." И той Багуй-Иоанн, востав от сна, сказа сие видение градоначалником и первослужителю соборныя церкви. И по совету их, испроси у архиерея, и постави на показанном ему месте церковь во имя Рожество Иоанна Предтечи. Место же той горы увал и доныне тако проименовася Соколия гора от Предтчеваго монастыря.
В лето 6794-м (1286). Князи ростовстии, князь Дмитрии да князь Констянтин Борисович, поделя отчины свои по жребию: болшему князю Димитрию Углечь Поле да Белоезеро, а меншему брату князю Констянтину Ростов да Устюг.
В лето 6872-м (1364). Князь Констянтин Ростовский съеха жит на Устюг
В лето 6... 47-м (1375). Болярин новогородски Прокопии 70-ю насады рекою был на Устюге миром. А Кострому и Нижний Новъград попленил и пограбил.
В лето 6906-го (1398). Приидоша новогородстии граданачалницы ко владыке Иоанну, глаголюще: "Не можем, владыко святый, терпети досады от великаго князя Василия Димитриевича, отнял он у Софии премудрости божий Великаго Новаграда пригородки и волости и вотчины нашы. Мы же, господине, хотим поискати своих вотчин". И тако целоваше крест заедино всем стояти до смерти. И благоволи им владыка Иоанн. И тако поидоша за Волок,военачалницы их посадник Тимофеи Георгиевичь, Георгии Димитриевичь сторожев голова, посадник Василеи Борисовичь, а воиньства их 8000. И пришедше на Двину к городку Орлецу, и стрете их владычен властелин Великаго погоста важенскаго ниже, а Веденскои погост повоевали. И пошли на Белоезеро, и тамо старой погост пожгли, а прочия погосты повоевали и веси окрестныя пожгли. Из нова же горотка вышедше белоезерские дети боярские и, добиша челом, давше има великие дары. И оттоле шедше Кубенские волости и около Вологды всех повоевавше, и оттуду в насадех приплывше к Устюгу и посад пожгоша, и волости и деревни вси развоеваша. А под Гледеном стояша три недели, ратоваша, а взяти его не возмогоша.
В то же время они, новогоротцы, Димитреи с товарыщи, послаша Иоанна Богданова, с ним силы 3000 Галичь воевать. Они же повоеваша Галичь и волости все, а за полоняников многия окупы имаша. Устюжан же у посацкихлюдей з города и с церквей копейщины просиша, устюжане же им не давше. И воевода новогороцкии с воиеначалницы разгневавшися, повеле церковь соборную пограбит и местную чюдотворную богородичную икону Одигитрие, и иконы со утварми повеле взяти в насад. И хотяше плыти. Насад же никако с места не двигнуся. Един же некто Ляпун имя ему старый, скочив в насад, взяв убрус и, связав им икону, рек: "Николи же бо полоняник не связан не идет на страну чюжу". И егда же та чюдотворная икона связана бысть, невозбранно нача плыти насад. Церковь же соборную зажгоша и пленников многих взявше, пловущи вниз по реце Двине, воююще погосты и веси. И, доплывшы до горотка Орлеца, стояху под ним 4 недели. Двиняне же, вышедше из города, добиша челом, мира просяхуи обещавшеся има дань давати. А воевод заволоцких Иоанна и Конона с товарищи поимаша и многих казниша, а у гостей великаго князя взяша откуп 64 300 рублев, а з двинян взяша 2000 руг да 3000 коней, и возвратившеся в Новьград. И не дошедше Новаграда, а бие бысть на пути богом попущенный гнев за бесчестие пресвятыя Богородицы, ея жедерзнуша пречестный образ связати, и пленницею назвати и дом ея священный сожещи. И нача емих коробити их и руки и ноги корчитися ив хрептах ломота великая, и мало здравых во град внидоша, и паки многи слепотою мучащася, но за немилосердие и безчеловечие плененных единоверных братии своих, от их же связанных, мучиша гладом и наготою ругавшыся.
Се же слышав и достоверно разсмотрив, владыка Иоанн зело опечалися и, призвав военачалников, рече: "От вашего суровства и немилосердаго безчеловечества всякую вы приведосте гнев божий на всех людей, воюющих Устюг Великий и дом Богоматери сжегше, и безстрашно окаянный Ляпун дерзнув прикоснутися скверноубииственныма рукама за пресвятыя небееныя царицы, всех християн милосердной заступницы, образ и, связав, ругающеся рек, зовущи ея пленницею, а да пленившую и нас всех от клятвы свободившую, и на небеса с плотию возносиму, и преславно от всех небесных сил покланяемую, и всегда моляшу к сыну своему богу всех за весь мир. Осле зле вашего слепоумнаго неразумия и крайнаго безумия совет бо благ предлагаю вашей любви. Обещайтеся той премилостивой небесной царице, всех християн заступнице, на Устюге Великом раззорены ея дом воздвигнути и с покаянием и слезами пред честным ея образом молящеся, милости просити, негли, видев бог смирение ваше, отвратит праведный свой гнев". Се же слышавшы военачалницы и вси граждане поклонишася святителю божию, рекущи ему вси: "Ей, владыко святый, согрешихом во ярости своей обезумихомся, ныне молимся святыни твоей и благолюбезно и усердно приимлем святый совет твой, молися за всех нас господу богу и пресвятой Богородице, дабы умолила своего сына и бога нашего, еже бы помиловати нас." Святител же, видев их усердное, смирение и слезы, плача с ними и собрав весь священный собор церковный, со благоговением и страхом взял сам владыка Иоанн пречистый образ Богоматере, внесоша ея во церковь соборную Софии премудрости божий, и поставиша на уготовакном месте, и молебствоваху, и святив-ше воду со всенародным множеством, и со слезами просяще прошения своим согрешением. И по совершении молитвы абие преста язва коркотная и ломотость хребетная. Быша болящы - здравии вси, благодарственная воспевающи и божию матерь прославляющи, и молящи, яко скоро предстателствова на смиренныя рабы своя.
Владыка же Иоанн за милость божию, вскоре бывшую, обещася поставити церковь на вратех каменную Воскресение Христа бога нашего. Новогородстии же военачалницы злобоначалника Ивашка перетчина приговориша с мосту кинуть в реку и въскоре и сотвориша окаянному.
Того же лета владыка Иоанн с болшеродными избравше боголюби-вых и искусных людей и нарочитых мастеров к церковному строению, и злата, и сребра, и вся потребная доволно давше. И на путь иконе же соделавше место честно. Святитель же Иоанн и все народное множество со кресты и иконами и со младенцы до Ладочи проводиша вси. Протчия же иконы с утварми отслаша и пленников всех с честию отпустиша, радующихся идуши во свое оттечество. Инии же христолюбцы торговые многие люди проводиша ту чюдотворную икону до Устюга Великаго.
Егда же приидоша к Устюгу, стретоша вси граждане со освященным собором всех церквей, иконами, и со свещами , всенародное множество, и с сущими младенцы, звониша во вся колоколы по всему граду. И вси от радости плакаху и пред чюдотворным святым образом припа-дающи: "О с всемилостивая владычице Богородице,граду нашему скорая предстателнице и помощнице, всякую нас, смиренных, оставляеши, нищету нашу забываеши, оскорбленных нас за грехи наша, и паки на радость прелагаеши." Итако многичасы молящися, в домы своя радостны разидошася. Посланнице же великаго новогородстии делу казахуся, прилежно строяху церковь Богоматере и единым летом устроиша пречюдную ту соборную церковь, зело превысоку. И святившее и певше молебная благодарственная, ко отеческому своему в Новъград возвратишася. Чюдотворная же та икона пресвятыя Богородицы Одигитрия стоит доныне в соборной церкви, исцеление подает всегда неоскудно с верою молящимся. Ея же молитвами, Христе боже, помилуй нас. Аминь.
В лето 6933-е (1425). Воевали устюжана Двинускую землю, новогородцы же з двиняны ходили противо их и, не дошедше города, помирилися Вондокурье, дали двиняном за раззорение 8000 белки да два сорока соболей и разехалися восвояси мирно.
В лето 6946-го (1438). На Троицын день приходили вятчяне ратью на Устюг Великий, град Гледен сожгли и пуст учинили, людие вси в лесь убегли. Того же лета град Устюг заложен на посаде в Черной Луце около монастыря пресвятыя Богородицы Покрова.
В лето 6953-го (1445). Писанием изображен образ нерукотво-ренный Спаса Христа на вратех градских, и оттоле узакониша граждане ходит летом собором молитися в среду и в пяток. И доныне со кресты приходят. Сие законоположение, или обещание всенародное, по вся лета творится неизменно.
В лето 6949-го (1441). Великий князь Василей Васильевичь ходил ратью на Великий Новьград, и новогоротцы добиша челом дали 8000 Рублев (л.11а) новогороцких, адвиняне в то время приходили ратью под Устюг Великий, и стояли под градом единьдень и ушли без битвы.
В лето 6954-го (1446). В весне на самый светлы Христов день приходили казанские татарове на Устюг Великий, стояли под градом три месяцы и, начаша приступити ко граду, несли насад на головах вместо щита, и зажгли город, и выгорело две горотни у нижних врат, и граждане погасиша и татар отбиша. И мирилися татаре с устюжаны, чтобы им в погоню за ними не ходит, а взяли с грамот "6 откупу 1010 денгами и всякою руглядию, а полону взятие могли. А пошли по Югу на Ветлугу, плывши плотами, и в полонъях, и в быстринах перетонули. А было их 700 человек волницы, а не царевь двор, а в Казань толко пришло 40 человек.
В лето 6908-го (1450). Великий князь Василей Васильевичь воевал Галич, и галицкой князь Шемяка убежав в Новьград. Той же князь Шемяка пошол из Новаграда на Двину, из Двины пошол ратью на Устюг Великий в наседах июля в 29 день, и устюжана не бишася. И Шемяка Димитрии Устюг засел, а земли не воевал. Из-за грозы, из-за сапли приводил ко крестному целованию. Многия же люди умроша, а креста за нево не целовали. Того же году он же, Шемяка, воевал Вологду, и возвратися, и паки поживе два лета на Устюге Великом.
В лето 6961-го (1453). Великий князь Иван Васильевич поиде ратию в Велики пост на Устюг Великий на Димитрия Шемяку. Он же, слышав, остав Устюг, бежа на Двину, оставль наместника своего Ивана Киселева, а на Двине заставил двинян реку передолбит пониже Орлеца горотка. И слышав великий князь, яко Шемяка с Устюга побегл, послал за ним воевод своих в погоню со множеством вой. И Шемяка слыша, яко идет за ним великий князь, и побежав к Новуграду. И воеводы послышавши, что побегл в Новъград, и они возвратишася по Bare вверьх и на Кокшенгу.
В лето 6967-го (1459). Великий князь Иван Васильевич посла рать на вятчан, князя Ивана Георгиевича и многих князе и детей боярских да устюжан. О ни же, шедше, повоевашагоротки Котелничь да Орлов, а под Хлынов долго стоя, ратовали. И вятчана великому князю добили челом.
В лето 6970-го (1462). Посылал великий князь войною на черемису болярина своего Бориса Коженово, а с ним (л. 13) устюжан, и вологжан, и галичан, а шли мимо Вятку по Каме в Пермь. А того же лета рать черемиская с татары казаньскими приходили на Устюжской уезд в Верхоюжье и пленили многих людей. И устюжана, гнашася в погоню, и, согнав, их побили и полон весь отбили.
В лето 6973-го (1465). Повелел великий князь Иван Васильевичь устюжанину Василию Скрябе воеват Угорскую землю. А ходили с ним охочие люди и, шедше, Угорскую землю повоевали и князей угорских к великому князю привели. И великий князь их пожаловал, отпустил их в Угру, и на всю их землю дань наложил, а воевод своих пожаловал.
В лето 6977-го (1469). Приходили татаре казанские в Устюжской уезд и город Кичменской с людми огнем сожгли. Того же лета великий князь Иван Васильевичь воевод своих с воинством посла со многоразличьнымй ратоборными хитростми на казанскаго царя Абреима. И пришла сила под Казань, татар побили, а града не взяша. Князь же великий посла другую рать на Казань, брата своего князя Данила Александровича Пенка, да Никиту Констянтиновича, да Петра Плещие-ва, и иных многих, а с ним устюжана и вятчана. Рать мимо Устюг и Вятку, и пришли на Каму реку, и уведели татарина на брегу, учали спрашиват, где рать великаго князя стоит. Он же сказа им: "Была рать у города, да царь казанской со князем Георгием мир взял, а рать прочь пошла." И воевода князь Данило Александровичь с войским пошел мимо Казань к Нижнему Новуграду. Царь же Абреим скопил силу многу и Воглу судами заставил, а московской силы мало. Начаша битися в судах, за руки имая, и князя Данила, и Никиту Констянтиновича убили,а Петра Плещиева с товарищи плениша и в Казань сведоша. А Григорей Перхушков пробежав, не бився. Аустюжана 110 человек убито. А прочий же 500 человек прибегнуша к Нижнему Новуграду, стояху три недели, послаша бити челом великому князю, .чтобы их государь пожаловал. Великий же князь послал к ним дважды подвиги золотой. Они же те денги отдали попу Иоанну, кой с ними в полку был под Казанью, а велели бога молит за государя и за все воинство. И втретие посла государь устюжаном запасу седмьсотъ четвертей ржаной муки, да триста путь масла, да 300 луков, да 300 однорядок,а велел им быть под Казань со князем Георгием на зимование. Устюжана же приняли государьскую милость, з братом царевым под Казань приидоша. Царь же казанский у великого князя милости упросил и мир учиниша. И полон руской весь за сорок лет взяша, и дань взявше к Москве, и возвратишася, от великаго князя пожалованы за верную свою службу, во отечество свое. К Устюгу пришедше в однорядках царьскаго жалования, хвалящи бога, благодар-ственныя поющи песни.
В лето 6979-го (1471). Повелел великий князь Иван Васильевич наместнику устюжскому Василию федоровичю Образцову воевать Двинскую землю. Он же пойде с устюжаны, с вятчаны на Двину рать в судех. И стрете их князь Василей Васильевичь Шуской и воевода двинской со многою силою двинскою. И бысть сеча зла на речке на Шыленге, начаша битися с 4-го часу дни и до нощи. И поможе бог устюжаном, новогоротцы же тыл даша и побежаша к Новугороду.
В лето 6980-го (1472). Посла великий князь Феодора Давыдова Воострова, а с ним многие ратные люди устюжана, и всю Пермскую землю привели под дань великому князю, а ратные люди пришли все в целости.
В лето 6982-го (1474). В Новеграде и на Устуге был мор, и устюжана по обещанию поставиша церковь Воскресение Христово овыденную над ровом, и преста мор.
В лето 6986-го (1478). Приходил казанской царь Абреим ратью на Вятку, токмо волости повоевах и пошел к Устюгу. Рекою же Молома зело наводнися, отя путь. Он же возвратися вспят, а устюжана всю седели в осаде, чающе приходу их. В той же годы прибеже гонец от великаго князя, повеле старой град ломать, а новой строит.
В лето 6991-го (1483). Великий князь Иван Васильиевичь посла рать на Byгличь, и на Угру, и на Обь великую реку, а воевода был Федор Курбенскои Черной да Иван Салтыков Травин, а с ними ратные люди устюжана и вычагжана, вымичи, сысоличи, пермяки. Бысть бой велик с вогуличины усть реки Пелыни. А побито на бою устюжан 7 человек, а вогулич побито тмачисленно 155. А князь вогулской убежа. И оттуду воеводы пошли по Тавте реце мимо Тюмень в Сибирь, и воюющи, и много ис полону привезли многи тысящы. А от Сибири шли по Иртышу реце вниз, воевавши, да на Обь реку во Югорскую землю, и всю землю повоеваша, и князю юрских плениша. А шла рать с Устюга майя во 2 день, а пришла на Покров.
Влето 6994-го (1486). Приходили вятчана ратию на Устюг, и стояли под Оносиновцем городком день, и три волости воевали. И, как послыша на них устюжано идущих, скоро воротишася назад.
В лето 6996-го (1488). Великаго князя воеводы с ратию стояща на Устюге, брегущи от вятчан, а сила была двиняне и каргополцы.
В лето 6997-го (1489). Послал великий князь Иван Васильевич великую рать на вятчан, 72000 разных людей, и вятчана убояшася, добиша челом, а изменников всех выдали головами. И воевода их перековал и отдал за караул устюжаном, велел их им поставит на Москве пред великим князем. Устюжана же повезоша их. Того же лета владыка ростовский Тихон послал на Устюг Великий дьяка своего Ивана Вискуна и мастера церковнаго Алексия вологжанина да 60 человек рублеников, припровадили лес и заложили круглую церковь от двацатти стенах.
В лета 7001-го (1493). На Устюге Великом в Преображенском монастыре от образа Спасова идяше миро из грудей, такоже и у Моисея и улии. А в Архангелском же монастыре достоверного летописца никако возмогохом изообрести, но точию, иже от древних отец повествуется.
Архангелского монастыря первоначалника Киприяна святому Про-копию друга бывша, и в лета же "живша, и преставльшася близ Архангелского. На месте же том, где обретоша тело блаженнаго Прокопия, и поставлена часовня и образ Успение праведнаго Прокопия и крест изваян из белово камени - распятие господа нашего Иисуса Христа в вечное воспоминание, и до днесь всем зрими и поклоняемся.
Троицкой же и Гледенскои монастырь, скажут, архангелские помогали строит, и хлебом ссужали, и людей работных посылали церковной лес ронит и возит. А преставлению праведнаго Прокопию 377 лет. Иоанна блаженнаго преставлению 187 лет.
В лето 7004-го (1496). Великий князь Иван Васильевичь посылая воевод своих на казанских татар: князя Ивана Ляпуна да брата его Петра Ушатых, а с ними устюжана и двиняне. Повоевали и полону безчисленно поймали. А ходили с Двины акианом морем чрез Мурманской нос. Того же году погорела устюжская соборная церковь изнутри, и с ыконами, и с книгами, и со всем церковным украшением.
В лето 7007-го (1499). Великий князь Иван Васильевич послал рать в Угру лыжною, устюжан, и двинян, и пиняжан, а воевода князь Семен Кубрской да князь Петр Ушатой. И всю землю развоевав, и в полон розвезли разно.
В лето 7011-го году (1503). Великий князь Иван Васильевичь послал ратных Людей устюжан и двинян стерещи Иваня города от немец.
В лета 7025- го (1517). Ноября в 24 день на Устюге была вода, яко же в весне, и стояла две недели.
Того же году априля в 23 день была на Устюге Великом вода велми грозна, такова из давных лет не бывала никогда, а лдом город стерло и берег срыло, и множество дворов поносило и людей много потопило.
Того же лета майя в 23 день, на память Леонтия Ростовского чюдотворца, в монастыре Архангелском после литоргии идяше миро от иконы Воскресения Христова, и от иконы на ней же писан рай на востоце с праотцы Авраама, Исаака, и Иякова, и 12 патриарх, и со Снятия Христова с креста, от Положения во гроб, от Вознесения Христова, от Благовещения Богородицы, от Рожества Христова и от Ведения Христа на страсть. От всех течение миро. Архмандрит же и граждане вси всем градом со всем священным собором молебна совершающи, чюдяхуся милости великаго бога.
В лето 6790-м (1282). Князь Димитрий Борисович послал на Устюг Великий владыку Тарасия на освящение церковь соборной Успение пресвятыя Богородицы да с ним же послал тюрик колокол.
В лета 7157-м году (1649). Божиим попущением, а вражиим смущением смутишася народи и пограбиша домы мнози.
О боголюбезне, зря сию историю, вонми ю яко споборенность и ратоборство устюжан начало бытно в писани их. Воистинну убо от начало бытность лет, яко же руская история свидетелствует истинну. Устюжане споборницы и вернослужители усердии, истинни московским великим князем и государем неизменно и праведно на казанских, и сибирских бусорман и противоборцев, высоковынных новгоротцев и жестокосердных вятчан ратоборство-вах, и главы своя складываху без пререкования, в соединение приврдяху, дондеже бог во единоначалие претворил, и самовластныя грады во единство веры учинил великим государем царем и великим князем Иванном Васильевичем всея России самодержцем. И о братии наших лаличах да повеет ся зде истинна, егда бо слышаша, яко царь, яростию подымает ся на Новъгород, неции от них, богом наставляеми, советовав и у брався, тайно убегше и на реце Лале в пусте месте вселишася и до днес жителствуют. Пишет бо некто премудр: богом соблюдаемых никто же от человек убити может, не соблюдаемых же никто же может спасти.